Lu pinseri di l’emigranti

Sicilia bedda, pi li forasteri,
li toi difetti ti li sai ammucciari
lu suli, u cielu e u mari, sunnu veri
cu a panza o suli, nun si po’ campari
li forasteri vennu assai cuntenti
sicuri di truvari: mari, monti
e iu da figghiu toi, nun trovu nenti
mi tocca fari una vita da emigranti.
E sugniu cà e vivu cà, senza di tia
sugniu felici nun pensu chiù la terra mia
però, mi sentu un pisci fora d’acqua
quannu mi veni in menti la mia Sciacca
Sciacca è me muggheri e la me zita
è la me figghia chi lassavi nica
Sciacca è un paisi comu tanti
chissu è lu pinseri di l’emigranti.
_____
di Salvatore Bentivegna

La poesia “Lu pinseri di l’emigranti” si è classificata come finalista nella sezione poesie a tema libero in dialetto del Premio Nazionale di Letteratura e Poesia “Vincenzo Licata – Città di Sciacca” – Edizione 2010

spacer

Leave a reply