Cu suli, a nivi, l’acqua e u malutempu
camina in bricichetta, non c’è scampu,
gira pi Villafranca, alleggiu,ntà so manu,
non è straneru…è nostru paisanu !
.
Soddi non nn’avi aviri ‘nta sacchetta,
non sù pu pani…sunnu pa Gazzetta
na manu ntò manubriu e l’occhi avanti
ridi e saluta sempri a tutti quanti…
.
Nnavi paratu picca sacchi addritta…!
Cu no conusci, iò dicu, u ccatta caru…
Ma iddu parra seriu, sutta sutta :
< sì, lu paisi mummura, ma cettu non è veru !>
.
Cunta chi era sulu supa a spiaggia
e si sintia rumuru, e ddui di pomeriggiu !
Cu era, lu vidisti ? fossi rumuru i ladri ?
“macchì… era lu suli… chi spaccava i petri…!”
.
Era d’invennu, ed era senza cappottu,
pinsau mi và unni Rinciari, mi su và ccatta…
telefonau ( e a vuci camuffau…) :
.
“…Senta , sono il Generale…(nome vero)
passa stasera, mio nipote, per un cappotto…
mi raccomando…il meglio che ci sia…
e per pagare, domani, …passo io …”
.
e, a sira, cu tanti complimenti, su pigghiau…
.
“…non c’è problema, senta, lei può andare…
che poi, passa suo zio, per pagare…”
.
Tanti li storii caiu sintutu diri
iddu, ntà facci, pari chi non ci cuppa,
ma tutti ‘nciurunu chi sunnu…fatti veri !
ma quanti nni cumminunu, ma sunnu…furisteri ?
.
09…08…07
.
di Domenico Sergi
__
“Personaggio di Villafranca” ha partecipato all’edizione 2011 del Premio Letterario “Vincenzo Licata – Città di Sciacca”.
