Lu granciu pilusu
chi sta n’to pirtusu
la bedda patedda
vulissi acchiappali,
ma l’unna du mari
chi canta e suspira
ci dici…stasira…
cu u lustra di luna
e anticchia i furtuna…
po essiri pura
chi essennuci scura
sta bedda patedda
si rapi…s’allarga
s’attigghia,
si spigghia,
s’assugghia
lassannu lu scogghiu.
E tu po’ l’ammogghi,
l’ammagghi,
la scugghi,
la spogghi. la pigghi…
Ma mentri chi pensa,
lu granciu pilusu,
un purpu mmiriusu
allonga la granfa
e lestu l’aggranfa,
lu pigghia,
l’afferra,
tirannulujusu….
e ntantu la luna,
silenti e luntana,
s’affaccia a taliari
dda bedda patedda
chi canta e suspira
cu l’unna du mari.
Traduzione ___ Il granchio e la patella
Il granchio peloso
che sta nel suo buco
la bella patella
vorrebbe acchiappare
ma l’onda del mare
che canta e sospira
gli dice…stasera
con la luce della luna
e un po’ di fortuna….
può essere pure….
che essendoci scuro
questa bella patella
si apre… si allarga
rabbrividisce,
si stacca,
si emoziona
lasciando lo scoglio
e tu poi la imbrogli,
la intrappoli,
la stacchi,
la spogli, la pigli….
ma mentre riflette,
il granchio peloso,
un polpo invidioso
allunga il tentacolo
e lesto lo stringe,
lo piglia,
lo afferra
tirandolo giù…
e intanto la luna,
silente e lontana
s’affaccia a guardare
la bella patella
che canta e sospira
con l’onda del mare.
Onofrio Montalbano
Sciacca (AG)
La poesia “Lu granciu e la patedda” ha partecipato all’edizione 2013 del Premio Letterario “Vincenzo Licata – Città di Sciacca”, classificandosi al PRIMO POSTO della sezione “Poesia a tema libero in Vernacolo”.
