LU SULI NTA LU MARI

Lu suli si rumpìu
in milli pizzuddicchi
nta lu mari…
Milli diamanti
ca lùcinu supra
‘u mantu d’acqua
annurvànu l’occhi,
cuetanu ‘i pinsera.
 
E li vulissi pizzuliàri
ddi stidduzzi ‘mpinti
tra l’unni,
pi sazziarimi di luci
e putiri aviri ‘u suli
dintra lu me’ pettu
aggiuccatu nta me’ panza,
quantu li palori
mi niscissiru di focu
e quadiassiru cu ascuta
e abbruciassiru lu ‘ngannu
ca agghìmma la carina
di l’omini ondannati.
 
Ogni sira
lu suli nta lu mari,
prenu di puisia,
fa nasciri versi
c’addattanu l’arma mia.
 

Francesco Ferrante

 

La poesia “Lu suli nta lu mari” ha partecipato all’edizione 2014 del Premio Letterario  “Vincenzo Licata – Città di Sciacca”, classificandosi al TERZO POSTO della sezione “Poesia a tema libero in Vernacolo”.

spacer

Leave a reply