Ascutami ventu

O ventu chi canusci tuttu ‘u munnu…
senti ccà a mia, ascutami un mumentu,
picchi mi noci? Nun firriari ‘n tunnu…
nun viri chi caminu quasi a stentu?

Nun pèrdiri ‘u to’ tempo, ccà, cu mia,
apprezzu ‘i to’ carizzi, li to’ curi,
ma si o me cori voi dari alligria…
sentimi ventu, fammi stu favuri:

mentri chi curri, pigghia ‘i mugghi ciuri
e fanni un mazzu, riccu di culura,
di lu me suli pigghia lu caluri,
poi ‘nfascia tuttu ma… mettici cura;

poi aggiungi spighi e a centru un beddu gigghiu,
e fallu, poi, di zàgari assai chinu
e pi ciauriàri mugghi, ti cunsigghiu,
un mistu di limiuni e mannarinu;

poi pigghi un nastru ch’àvi li culura,
di quannu ‘u suli sta… tra celu e mari
e poi aspetta, ventu, quannu scusa:
servinu ‘i stiddi… pi fallu brillari!

E ora chi si prontu, vola ventu,
vola dirittu, versu lu “Signuri”,
porta stu donu e dicci chi nun mentu,
si a canciu ci addumannu “Paci” e “Amuri”!

di Giuseppe Vultaggio
_____

La poesia “Ascutami ventu” si è classificata tra le finaliste della sezione delle poesie a tema libero in dialetto del Premio Nazionale di Letteratura e Poesia “Vincenzo Licata – Città di Sciacca”, Edizione 2009.

spacer

Leave a reply