“Vulissi turnari nicuzzu” in versione strumentale

Godetevi la magnifica versione strumentale della splendida poesia “Vulissi turnari nicuzzu” di Vincenzo Licata, composta dal maestro Antonio Giovanni Bono per tenore, coro e orchestra.

Buon ascolto!

[audio:http://www.vincenzolicata.it/wp-content/uploads/2009/06/vulissi-turnari-nicuzzu-per-tenore-e-orchestra-versione-strumentale.mp3]

VULISSI TURNARI NICUZZU

MI SENTU LU CORI MALATU
E SEMPRI DI SPINI PUNCIUTU;
MI SENTU MANCARI LU CIATU
E, SULU, MI SENTU PIRDUTU.

VULISSI TURNARI NICUZZU,
AVIRI CARIZZI E VASATI,
JUCARI CU LU CAVADDUZZU
E COMU DDI TEMPI PASSATI!

AVIRI A ME’ NANNA VICINU
CHI CUNTA LI CUNTI DI FATI,
JUCARI NTA LU ME’ JARDINU
MANCIANNU CU L’ATRI SURDATI.

VIDIRI LU MUNNU E LI GENTI
CU L’OCCHI E CU L’ANIMU PURI
E DIRI PAROLI NNUCCENTI
CHI MANNANU ODURI DI CIURI.

E CURRIRI, CURRIRI, CURRIRI
DARRERI DUMILA FARFALLI
CAMPAGNI-CAMPAGNI, AFFIRRARILI
JUCARICCI E POI MBARSAMALLI.

JUCARI, SCIARRIARIMI, CURRIRI,
E LIBERU ESSIRI FORA,
AVIRI DI SUTTA NA TAVULA
PI FARI LA SCIDDICALORA.

SCIALARI A LA CAZZICATUMMULA
E CENTU CUMETI ABBIARI,
O PURU JUCARI A LA STRUMMULA,
CANTARI, JUCARI, SCIALARI.

ARRERI TURNARI NICUZZU
C’UN CORI AMURUSU E SINCERU.
ME’ MATRI CHI DICI “CIATUZZU,
CHI CAMPI FELICI IU SPERU!”

VULISSI ACCUSSI RITURNARI
DURMENNU A ME’ MATRI ABBRAZZATU:
PI SENTICCI ANCORA CANTARI:
“MI DORMI LU FIGGHIU ADORATU!”

MA NO, LU PASSATU NUN TORNA,
UN SONNU DUCISSIMU FU’:
VIRRANNU FILICI LI JORNA ,
MA CHIDDI NUN TORNANU CCHIU’!


_____

Vai all’indice delle poesie

spacer

Leave a reply