Du’ ngagghi ca riluciunu,
a l’umbra di na còppula cunsunta,
c’ammuccia na facci
astutata di spiranza;
talianu!
Talianu sutta lu suli a picu
a un celu aridu,
siccu di lacrimi;
ca spissu li sdinija,
mentri la terra,
bivi assitata lu suduri
ca scinni cupiusu da lu cori;
lassànnulu,
senza na lamma di rispiru.
E l’anima,
ca schigghia senza sonu,
vulissi miritari stu distinu.
Jù ti vidi fatu:
nte vrazza a n’orizzunti sculurutu
di na jurnata longa di travagghiu;
scatinannu,
surchiannu,
sputannu terraca lu zuppuni isa e arrimina.
Nta lu scurari ti vidu,
quannu addimura tutta la stanchezza,
c’affunna e subbissa,
la spiranza di li sogni mei.
E sugnu oramai rassignatu!
Facitimi npocu arripusari.

di Giuseppe Sammartano
_____

La poesia “Facitimi npocu arripusari” si è classificata tra le finaliste della sezione delle poesie a tema libero in dialetto del Premio Nazionale di Letteratura e Poesia “Vincenzo Licata – Città di Sciacca”, Edizione 2009.